Santibañez el Alto
19/06/2006
Una deferencia qu’esisti entri lu estoricu y lu traicional tie que vel cona vía. La estoria es una retola ‘e hechus acaecius, muertus, fosilidaus, retratauras sin vía que mus valin pa conodel comu hué ca unu lus momentus que hemenciarun el pasau d’un pueblu. Peru l’estoria es o tie que sel irrepetibli nel presenti.
Tos tenemus sentiu esu de qu’un pueblu que nu conodi la su estoria esta condenau a repetila. Anque seya a la contra ’el pensamientu dalgunus filusófus y la su idea del etelnu retolnu, andi to se peiti, creu que si anduvieramus repitiendu la estoria acontecía sedria un castigu ya que cá momentu es irrepetibli, unicu.
Landeal ena estoria pa defendel l’inmovilismu es dil a la escontra la estoria mesma. La estoria solu esisti pol mé’l desarrollu las presonas, pola evolución del ombri. La estoria mus vali pa conodel el muestru pasau peru nu pa repetilu, nu pa frenal el cambiu.
Las tradicionis a la escontra la estoria si son argu vivu, son hechus del ayel que vivin entovía nel oy. Las tradicionis son argu vivu que muan con el pasu ‘el tiempu. Las tradicionis al sel argu vivu nacin, nu siempri an siu, muan y muerin ya que al sel umanas tienin el mismu amenizal que las propias presonas que las hadin.
Podria pensalsi que eberian moril cuandu el pueblu que las hadi u representa mueri temién, peru un siempri es asina. Las tradicionis muchas vedis pirvivin a pesal de tenel perdiu el su sinificau orihinal. Las tradicionis muerin cuandu nu puen o nu se sabi uñil el su conteniu conas nuevas ideas de la socieá andi se hadin. Cuandu una socieá nu sabi u nu alcuentra sentiu a la tradición esta ebi mual y adaltasi o mueri convirtiendusi en un hechu estoricu, argu muertu que ná mas qu’enteresa a lus estoriaoris y presonas enteresás ena estoria.
Continuará
Licencia:CC Reconocimiento NoComercial SinObraDerivada
buscando idiomas de espania y convencida, despues de haber viajado por asturias y leon, de que deberia haber mas lenguas en espania de las que yo imaginaba, encontre tu blog.
enhorabuena porque mantener viva una lengua que no es oficial es un merito, y conservar lriqueza cultural un ejemplo a seguir
Muchas gracias pol tu animu. Anque nu tenga muchu adiu pa describil y entovia nu sepamus comu hadelu (pola grafia)runchu enu que pueu pa que la mi palra matelna nu quei nel orviu y seya palra ná mas que pol cuatru comadris enus puebrus cuandu naidi foriatu las sienti pol nu quealsi avehinas, es lu que tieni tantus añus 'e vergoñá impuesta.
Anque seya testimonial aqui acontinuare idientu cuatru patochas en cuantu m'alcuerdi y puea.
Archivo
| Quieres crear un Blog aquí
Sitio desarrollado, diseñado y gestionado 100% con Software libre: GNU/linux, GIMP, PHP, MYSQL, APACHE, ...
