Santibañez el Alto
04/08/2006
El III Alcuentru de bailis y danzas de las comarcas asturlionesas.
L’alcuentru esmienzará conun pasacallis en Santibañiz el Bahu y acontinadra conas autuacionis grupalis.
Cona entención d’encental un helmanamientu entri las antiguas comarcas que hemenciarun el reinu Lión se pusu en marcha hadi tres añus ya en Santibañiz el Bahu un festival nel que se reunin balburdas folkloricas d’estus lugaris, que son d’estremáura, Castilla y Lión en incrusu dalgunas comarcas portuguesas. Dendi altoncis esti festival tieni muchu esitu y veleí qu’ogañu se celebri la su tercel edición.
El festehu d’ogañu tendra lugal nel mes d’agostu, pos anque seya costumbri hadelu pa setiembri, duranti el vranu es cuanta mas henti ay pa lus pueblus.
Pol mé lus autus folkloricus, s’alcuerda lus ñus d’uñión d’estas comarcas d’influhencia asturlionesa, viendusi las raicis qu’esistin enus ambitus la etnia y la música, lu qu’implica diretamenti lu aparenti ena música, al igual que son comunis lus orihinis lingüísticus.
Pograma
Esti domingu, a meyia tardi, las balburdas particiepantis esfilaran polus deferentes barrius ‘el lugal. Lus grupus d’ogañu son la balburda folklorica El Chamariz, de Fuentehinaldu (Salamanca)Airis Serranus, de Cillerus (Cazris) y unu portugues entri otrus amas del que hadi el eventu la Corrobla folklorica Valdelagaris. A las 19:30 ena praza mayol, tendrán lugal las autuacionis.
Alúu dispués las autuacionis, l’arcaldi, Miguel Antoniu García Pintol, hadra entrega d’unus regalus simbúlicus a lus particiepantis.
La jorná amenizara conel vinu d’onol correspondienti y la confratelnidación entri lus miembrus lus grupus, que suelin acontinal conus bailis y musica una vedi acabihás las autuacionis.
Pol momentu lus gastus d’esta harana corrin a cargu l’ayuntamientu ‘e Santibañiz el Bahu, anque se pretendi emplical a la conseheria ‘e curtura pol mé el su diretol heneral de promoción curtural, ya que’l festival pasa la frontera autonómica y tie un caraiti sociocurtural.
http://www.hoy.es/pg060804/prensa/noticias/Prov_Caceres/200608/04/HOY-PCA-104.html
Licencia:CC Reconocimiento NoComercial SinObraDerivada
Hola, estoy muy interesado en encontrar tesis doctorales sobre danzas tradicionales en Internet. Conozco algunos sitios web con tesis de universidades españolas, como Biblioteca Cervantes, Tesis EUMED o tesis de danzas y fiestas. ¿Alguien conoce repositorios de tesis doctorales de universidades hispanoamericanas sobre este tema?
Archivo
| Quieres crear un Blog aquí
Sitio desarrollado, diseñado y gestionado 100% con Software libre: GNU/linux, GIMP, PHP, MYSQL, APACHE, ...
