Santibañez el Alto
17/12/2006
L’atiú lingüística es la atitú social que se le da a la luengua y al su usiu ena socieá, es idil, vieni a sel el mou en que las presonas hadin usiu e la luengua ena socieá, lu que se tie pensau sobri la mesma, el valol que se l’otolga, l’apreciu que se le tie ...
Las luenguas son escapacis e trasmitil sinificaus con conotacionis socialis, las luenguas trasmitin las normas y aspeutus curturalis, efinin al lus palrantis o grupus e palrantis de la mesma. Pol mé la palra se pue deferencial un grupu d’algotru, una crasi social d’algotra.
Las variais lingüísticas puendin sel enterpretás comu’n definiol de la entiá social y suelin sel lus grupus socialis mas prestihiosus lus que marcan las pautas e las atituis lingüísticas, y estu hadi que se valori mehol cualisquiel cosa proponiá pol grupu e prestihíu.
La atitíu lingüística se sostiba ena concencia sociolingüística, las presonas tienin concencia duna serie hechus socialis que les uñin, que les hadin sel puebru, socieá. Y asina cuandu la concencia social o de pretenencia sufri e continu esprestihiu la concencia lingüística sufri sobremaera hidiendu que la palra se apelli al sentil comu socieá o puebru esprestihiau.
La muación o conselvación duna palra tie’l su enceti enas atituis lus palrantis pa cona mesma; ay que tenel en consieración variabris comu l’apreciu o arregañu social asociau a la palra nuna socieá etelminá y la emportancia desa palra enus procesus d’uñía dun grupu social, la entificación del grupu cona palra o cunun grupu mas grandi que palra algotra luengua deferenti.
Asin enus chascus comu n’Estremaura andi lu emperanti y sinu e curtura era y entovía sigui siendu palral ensin acentu argunu y ententandu nu idil denguna las parabras que mus suenan a campusinus y en teniendu’l pobrema de nu sabela idil en castellanu normativu, lus palrantis minorizaus tienin una atitú negativa a la su propia palra ya qu’esta nu les premiti un ascensu social figurau ebiu a qu’el moelu social prestihiusu era y sigui siendu lu foriatu, el señoritingu finu que prenuncia rebien to las esis y palra castellanu con parabras que nu son propias l’estremeñu.
Una palra nu quea nel orviu pol mé que lus que nu la sabin nu la deprendin, sinu pol que lus que la sabin nu la palran.
Licencia:CC Reconocimiento NoComercial SinObraDerivada
Solamente quiero decirte que admiro tu labor a la hora de expresarte en tu propia lengua. Yo, serradillano pero emigrado a Cataluña hace muchos años, vivo cada día la lucha entre el castellano y el catalán y me arrepiento de no saber hablar serraillanu, la parla de mis padris.
Por eso admiro un blog como este, del que voy a colocar un enlace en el mío.
que voi deci'te yo que soy asturianu
leyendo la to llingüa entra'me la morriña
esti fantásticu wiki hay que promocionalu
felicidades
Un saludín dende Asturies pa toos/es los/es collacios/es d´Estremadura. Que nun vos quiten les ganes de siguir suañando ya trabayando pola vuestra llingua llariega.
Salú!!!
Archivo
| Quieres crear un Blog aquí
Sitio desarrollado, diseñado y gestionado 100% con Software libre: GNU/linux, GIMP, PHP, MYSQL, APACHE, ...
